ميني بان كيك 💛 المقادير: • 2 كوب دقيق • 2 ملعقة كبيرة سكر • 2 ملعقة صغيرة بيكنج بودر • رشة ملح • 2 بيضة • 1 كوب حليب • 2 ملعقة كبيرة زبدة مذابة • 1 ملعقة صغيرة فانيليا الطريقة: نخلط الدقيق مع السكر والبيكنج بودر والملح. في وعاء تاني، نخلط البيض مع الحليب والفانيليا والزبدة، ونضيفه على الخليط الجاف ونقلب لحد ما يبقى القوام ناعم. نسخن طاسة غير لاصقة وننزل بمعلقة صغيرة من الخليط لكل قطعة. أول ما تظهر فقاقيع، نقلبها على الجهة التانية لحد ما تتحمر. بالهنا والشفا ♥️

القرنبيط المقرمش 💛 المكونات: • 1 قرنبيط متوسط الحجم • 1 كوب دقيق • 1 معلقة صغيرة بابريكا • 1 معلقة صغيرة ثوم بودرة • 1 معلقة صغيرة بصل بودرة • 1 معلقة صغيرة كركم • 1 معلقة صغيرة بيكنج بودر • ملح وفلفل حسب الرغبة • 1 كوب ماء بارد • زيت للقلي طريقة التحضير: 1. قطعي القرنبيط زهرات صغيرة واسلقيه في ماء مغلي مع رشة ملح لمدة 5 دقائق، وبعدها صفيه واتركيه يبرد. 2. في بولة، اخلطي الدقيق مع البابريكا، الثوم البودرة، البصل البودرة، الكركم، البيكنج بودر، الملح والفلفل، ثم ضيفي الماء تدريجيًا لحد ما يبقى عندك خليط كريمي متماسك. 3. سخني الزيت على نار متوسطة. 4. غطي كل قطعة قرنبيط بالخليط كويس، وبعدها اقليها في الزيت لحد ما تاخد لون دهبي ومقرمش. 5. طلعيها على ورق مطبخ عشان تتصفى من الزيت. قدميها مع صوص الثومية أو المايونيز بالهنا والشفا ♥️

راب الفراخ المشوي بالجبنة 💛 المقادير: • 2 صدر فراخ مقطع شرائح رفيعة • 2 رغيف تورتيلا أو عيش سوري • 1 كوب بطاطس محمرة • 1/2 كوب جبنة موتزاريلا مبشورة • 2 ملعقة كبيرة زبادي • 1 ملعقة كبيرة مايونيز • 1 ملعقة صغيرة ثوم مفروم • 1 ملعقة صغيرة بابريكا • 1/2 ملعقة صغيرة كزبرة ناشفة • 1 ملعقة كبيرة عصير ليمون • ملح وفلفل أسود حسب الرغبة • زيت زيتون • مخلل خيار شرائح طريقة التحضير: 1. في بولة، اخلطي الزبادي مع المايونيز والثوم والبابريكا والكزبرة وعصير الليمون، وضيفي الملح والفلفل، وبعدها تبّلي شرائح الفراخ بالخليط ده وسيبيها تتتبل ساعة. 2. سخني طاسة على نار متوسطة مع شوية زيت زيتون، وشوّحي الفراخ لحد ما تستوي ويبقى لونها ذهبي. 3. سخني العيش، وحطي طبقة جبنة موتزاريلا عليه، وسيبيها تدوب شوية. 4. رصي الفراخ المشوية فوق الجبنة، وضيفي البطاطس المحمرة وشرائح المخلل. 5. لفّي الساندوتش كويس، وحمّريه على الجريل أو في طاسة ناشفة لحد ما ياخد لون مقرمش. 6. قدميه سخن واستمتعي بأحلى طعم. بالهنا والشفا ♥️

الكوردن بلو 🧡 المكونات: • صدور فراخ • 1 علبة زبادي • 1 معلقة صغيرة بهارات فراخ • 1 معلقة صغيرة زعتر ناشف • 1 معلقة صغيرة ثوم مفروم • ملح وفلفل حسب الرغبة • 1 معلقة كبيرة خل • عصير 1 ليمونة للحشو: • روزبيف أو تركي مدخن • شرائح جبنة شيدر أو جودا للتغليف: • دقيق • بيض • بقسماط طريقة التحضير: 1. دقي صدور الفراخ كويس لحد ما تبقى رفيعة أو خديها جاهزة من عند الفراخ. 2. في بولة، اخلطي الزبادي مع بهارات الفراخ، الزعتر، الثوم المفروم، الملح، الفلفل، الخل، وعصير الليمون، وحطي الفراخ فيها وسيبيها ساعتين في التلاجة. 3. طلعي الفراخ من التتبيلة، ونشفيها شوية من أي سوائل زيادة. 4. افردي كل قطعة فراخ، وحطي عليها شريحة جبنة، وفوقها الروزبيف أو التركي، ولفيها كويس واثبتيها بخلة أسنان. 5. غلفيها بالدقيق، بعدين في البيض، وأخيرًا في البقسماط، واضغطي عليها كويس. 6. دخليها التلاجة ساعة عشان تمسك نفسها. 7. اقليها في زيت غزير سخن لحد ما تاخد لون دهبي، وبعدها حطيها على مناديل مطبخ تتصفي. بالهنا والشفا ♥️

ساندوتش الباتي ميلت 😍🔥 المقادير: • 250 جرام لحم مفروم • 1 بصلة متوسطة مفرومة ناعم • 1 ملعقة صغيرة ملح • 1/2 ملعقة صغيرة فلفل أسود • 1/2 ملعقة صغيرة بابريكا • 1/2 ملعقة صغيرة بودرة ثوم • 1/2 ملعقة صغيرة بودرة بصل • 2 ملعقة كبيرة زبدة • 1 ملعقة كبيرة مايونيز • 4 شرائح جبنة شيدر • 2 شرائح جبنة موزاريلا • 4 شرائح عيش توست بريوش أو أي نوع مفضل طريقة التحضير: في طاسة سخنة، شوّحي البصل مع معلقة زبدة لحد ما يكرمل وياخد لون دهبي. ضيفي عليه اللحم المفروم، الملح، الفلفل، البابريكا، بودرة الثوم، وبودرة البصل وقلبي كويس لحد ما يستوي ويتحمر. ادهني شرائح العيش بالمايونيز من الجهتين، وحطي على كل شريحة طبقة من الجبنة، ثم اللحم المتبل، وبعدها طبقة جبنة تانية. غطيها بشريحة العيش التانية واضغطي عليها شوية. في طاسة سخنة، ضيفي شوية زبدة وحمّصي الساندوتش من الناحيتين لحد ما الجبنة تسيح والعيش يبقى مقرمش ولونه ذهبي. قدميه سخن واستمتعي بأحلى ساندوتش باتي ميلت طعمه يجنن! 😋🔥

مكرونة باللحمة المفرومة 🧡 المقادير: • 500 جم مكرونة مقصوصة • 300 جم لحم مفروم • 1 بصلة مفرومة • 2 كوب عصير طماطم • 2 ملعقة كبيرة معجون طماطم • 2 ملعقة كبيرة زيت • ملح وفلفل أسود • 1 ملعقة صغيرة بابريكا • 1 ملعقة صغيرة ثوم بودرة • 1 ملعقة صغيرة بصل بودرة الطريقة: نسلق المكرونة في ماء مغلي وملح لحد ما تبقى نصف سوى، ثم نصفيها. في طاسة، نشوح البصلة في الزيت لحد ما تذبل، ونضيف اللحم المفروم ونقلب لحد ما يستوي. نضيف معجون الطماطم ونقلب، ثم عصير الطماطم والتوابل، ونسيب الصوص يتسبك. نضيف المكرونة المسلوقة للصوص ونقلبها كويس على نار هادية لمدة 5 دقائق. بالهنا والشفا ♥️