الأم المتسلطة: شكلها طيبة… بس بتسحب ابنها بالسكات! عمرك ركزت في أم بتتحكم في ابنها من غير لا صريخ ولا أوامر؟ أم ما بتقولش “إعمل كده”، لكن تهمس له: “خليك إبن بارّ يا حبيبي… متخذلنيش!” أهو ده أخطر نوع من أنواع السيطرة، سيطرة مغلفة بالحب! ⸻ إزاي الأم المتسلطة بتربط ابنها بيها؟ 🔹 بتلبس قناع الضعف دايمًا تقول إنها مظلومة… “أنا ماليش غيرك” “ده أنا ضحيت بكل حاجة علشانك” وتقعد تعيط على الهوا من غير سبب… واللي يسمعها يقول عليها ملاك مكسور الجناح. 🔹 بتستخدم الدين كستارة بدل ما تقول له “نفّذ اللي أنا عايزاه”، تقوله: “ده رضا ربنا في رضا الأم”. وفجأة تلاقي البرّ اتقلب لفخ، والابن بيتخنق وهو بيحاول يرضيها، حتى لو هيدوس على مراته وبيته. 🔹 بتشوه صورة الزوجة بهدوء مش بتهجمها، لأ، دي أذكى من كده! تقول له: “أنت متغير من يوم ما اتجوزت” “أنا حاسة إنها مش بتحبك زيي” وتفضل ترمي كلام وسم فودانه، لحد ما يبص لمراته بعين تانية… ويبدأ يشك، ويتغير، ويبقى غريب في بيته. 🔹 بتبعده عن كل الناس صحابه؟ يقولهُم دول بيغيروا منك أرايبه؟ تقول له محدش بيحبلك الخير مراته؟ تبقى المنافسة وفي الآخر… تلاقيه محبوس في فقاعة أمه، مش شايف غيرها، ومش بيسمع غير صوتها. ⸻ طب والنتيجة؟ الراجل ده بيقلب من زوج ناضج… لـ طفل مذنب بيحاول يرضي “ماما”. وبيفتكر إن مراته هي اللي اتغيرت، وإن البُعد منها بسببها… لكن الحقيقة؟ إنه مشافهاش بعنيه بقاله كتير، شافها بعدسة أمه! ⸻ الأم مش ملاك طول الوقت ومش كل أم بتعيط تبقى ضحية ومش كل كلمة “برّ” معناها إنك تموت نفسَك علشان ترضيها الست اللي عايشة في بيت زوجها مش لازم تحارب على حب راجل قلبه مربوط بخيط من عند أمه ⸻ اللي بيحبك… يسيب لك مساحتك مش يلفّ حبّه حوالين رقبتك الحب عمره ما كان خنقة ناعمة ولا تلاعب باسم “أنا أمك!” ⸻ #الأم_المتحكمة #تربية_تعبانة #مش_كل_حب_صحي #تحكم_عاطفي #وعي_عاطفي