غزالة شن دارت حلو اليوم ❤ تعديل كنافة بالنوتيلا ♥️ #الطريقـة👇🏻 - احلى تحليه بعد الفطور ❤️ كنافة بالنوتيلا ❤️ - خوذي الكنافة بمقدار كيلو الا ربع و قسميها بأيديك قطع صغيره حوالي 7 سانتي - و بعدين سخني الزبدة علي نار هاديه و لما تسخن ضيفيلها كاشيك او اتنين سمن (علي حسب الرغبة) - و صبيهم علي الكنافة و حركيها بأيديك لين تتشرب الكنافة كويس - و خوذي زوز طواجين نفس الحجم و قسمي الكنافه مقدارين بالتساوي و دخليهم للفرن على درجة حرارة 200 لين يتحمرو من فوق و من لوطه و بعدين طلعيهم و خوذي صفرة و اقلبيهم و شربيهم بالعسل تكوني انتي مدايرتيه خليهم حوالي نص ساعة - و بعدين حطي الطبقة الأولى في الصونية و حطي فوقها النوتيلا و بعدين حطي فوقها الطبقة التانية بالشوية باش الشكولاته ما تطلعش علي برا و تقدري تزينيها من فوق باالمكسرات و الشكولاته على حسب الرغبة ملاحظة : لو ما عندكش زوز طواجين زي بعض تقدري تستعملي طاجين واحد و لما يطيب المقدار الأول حطي المقدار التاني في نفس الطاجين ملاحظة 2 : العسل لما تصبيه لازم يكون سخون مش بارد و صحتين ❤️