السلام عليكم كاين لغادي اتيق بيا وكاين لي لا ولكن والله حتا هادشي بصح انا في عمري 42 سنة انا لكبيرة في دارنا عندي 3 الخوت واخت هي صغيرة حنا ساكنين في العروبية ملي كانت عندي 15 عام. عمي طلب بابا باش اعطيه خويا صغير لفي عمرو 5 سنين مع العلم عمي كانو عندو غير بنات 4 قاليه عطيه ليا انا ربيه ونقريه ونديرو بحال ولدي صافي داه معاه اكادير حيت عمي ساكن تما من تما ولينا كنشفوه مرة في العام ولا موحال وملي كيجيبوه عندنا كيعاملوه بحالا وولدهم وكيخافو عليه وحنا كنشوفوه كفاش كيبغيهم وكفاش بنات عمي كيبغوه وكانه خوهم الحقيقي ودازت الايام تزوجت انا وحتا خوتي وهو كيجي عندنا بحال شي ضيف من بعد حتا هو سهل عليه الله وخدم وتزوج وسكن في مدينة لخدام فيها ملي كياخد شي كونجي كيمشي عند عمي ومراتو هما لولين اشوفهم واكلس معاهم من بعد كيجي عندنا حنا ومكيديرش شي حاجة بلا خبار عمي ومراتو وبابا وماما كعما كيقولها ليهم . شي عامين دبا مرض عمي ضربو السكر في رجلو وقطعوها ليه ومشا خويا داه هو ومراتو عندو دبا عامين وهما ساكنين معاه وقتما جا عندنا ولا مشا لشي بلاصة كيديهم معاه وكأنهم والديه الحقيقيين. وحتا بنات عمي مهلي فيهم وخا مزوجين عمرو فاتهم وداكشي لكيجيب لينا كيدي ليهم حتا هما. وحنا كيبقى فينا الحال ملي كنشفوه كيعامل عمي ومراتو كتر من والديه الحقيقيين. وخا هما لرباوه راه حنا عائلتو الحقيقية ماشي هما.