“صافي ملي هادو طلقو مابقيتش تتيق فالزواج" "شوف كيف دايرة بالزين وخانها ،كاع الرجال خائنين" "دابا تزوجي وتصدمي بالواقع وتندمي على نهار فكرتي تزوجي فيه" هاد الجمل وغيرها وليت كنشوفهم فتعاليق وبوسطات كل نهااار ،المشكل ان بزاف متافقين معاهم ويمكن كاع بنات فالتعاليق دابا غايقولو نفس هاد الجملة تاهوما ،وراي خاص بيا كنشوف ان هادشي تايبين واحد قلة نضج وعدم ايمان بالقضاء والقدر عند هاد الناس كما يجب ،علاش كتخليك حياتك based on تجارب ناس تانية ،وحدة طلقات بعد قصة حب عظيم مكايعنيش انك غاطلقي تانتي لاتزوجتي ومكايعنيش اصلا هادشي انها فشلات ،راه الطلاق حللوا الله ،وامساك بمعروف او تسريح باحسان جوج متفاهموش قررو يحبسو وكل واحد فيهم يقدر يبدا حياة تانية من جديد ،وحدة وجوج ومليون خانهم رجالهم هذا لا يعني ان كاع الرجال كتخون واللي ماخاينش غا مازال ماحصلش،فحالا كتقولي ليا ان ربي سبحانه خلق جميع الرجال مكاريب مستحيل مايزنيوش او يديرو الحرام وهدا ضرب من الجنون حيت لا نعمم ،تزوجتي وشاء الله ان حياتك الزوجية متكونش مرزيانة لقيتي مشاكل مع راجلك مع عكوزتك مع عائلتو هدا لا يعني ان اي بنت غاتجرب نفس المصير ديالك، وحقا واخا يكونو معاك زوينين دابا من بعد غايصدموك … راه واخا نقرا مليون تجربة ديال وحدة خايبة ووسطهم تجربة وحدة زوينة غانبقا نشوف ديك تجربة الزوينة وناخدها كمرجع للحياة اللي انا باغاها ونعيش تجربتي الخاصة ،سواء كانت زوينة او خايبة متخليوش ناس تبدا حياتها بناءا على شنو داز فحياتكم والبنات اللي كتأثر بهادشي تعرف ان السوشل ميديا راه كتبين الخايب اكتر من الزوين وبزاف ديال ناس ربي رزقهم حياة طيبة جميلة وزواج مبارك ،مخليين الامر لنفسهم وعايشين سعادتهم في الخفاء 🖤🦦