🧕🏻 يا أم العروسة.. خدي بالك من الحاجات دي 👇 بعد جواز بنتك، طبيعي تحبي تطمني عليها كل شوية، وتبقي حابة تسمعي صوتها دايمًا. بس في شوية تصرفات لو عملتيها، ممكن من غير قصد تسببي توتر في بيت بنتك، 🔸 متكلمهاش كل شوية وكل وقت، وخصوصًا لو لسه في بداية حياتها الزوجية.♥️ 🔸 المكالمات الطويلة ممكن تعمل مشاكل وخصوصا لو جوزها موجود في البيت❤ 🔸 متخليهاش تحكيلك علي كل تفصيله وتشتكي من جوزها أو من أهله، لأنك لو فتحتيلها الباب ده، ممكن تشجعيها على إنها تسيب بيتها.وتزعل كل شويه ♥️ عرفيها ان البيوت أسرار ألا لو أشياء مهمه ولازم تدخلو♥️ 🔸 زياراتها ليكي تكون موزونة.. لا طويلة زيادة ولا كتير، علشان ما تسيبش بيتها فاضي.خليها تعمر بيتها وتتعود ♥️ 🔸 ذكّريها دايمًا إن بيتها الأول دلوقتي هو بيت جوزها، ومينفعش تتدخل في حياة إخوتها أو مشاكلهم.خليها في حياتها♥️ 🔸 أسرار بيتها ماتخرجش برا بيتها إلا لو بعد الشر في تجاوزات او شتيمه او مد إيد في الحاله دي لازم تعرفو وتدخلو زي ما ربنا قال حكما من أهله وحكما من أهلها ♥️ اهدي، وطمنيها، وخليكي الأم الحكيمة اللي بتهدي الدنيا مش بتولّعها!♥️ متدخليش أبوها أو إخواتها إلا للضرورة القصوى♥️ عرفيها ديما بيتها يكون نضيف لانه هيعكس علي نفسيتها هي وجوزها وديما تكون مجهزه أكل وعامله لقمه سخنه الرجاله بتقدر ده قوي أكتر من أكل الشارع ♥️ علميها لو محتاجه حاجه للبيت او لنفسها تطلبها من جوزها علي قد إمكانياته وظروف شغله .ولو عملها مصروف شخصي في حدود ظروفه يكون أفضل ✅ علميها حاجتين مهمين جدًا: ما تسيبش بيتها لأي سبب مهما كان. ما تهجرش جوزها في سريرهم، لأن ده بيهد العلاقة أكتر ما بيصلحها. إوعي تفتكري إنك بترمي بنتك، لأ أبدًا.. إنتي بتحمي بيتها من الهدم، وبتساعديها إنها تبني عشها الطيب على أسس ، وإنتي اللي بتجهزيها لحياة مستقرة وسعيدة. ولما حياتها تستقر، هتفتكرك وتقول: "ماما كان عندها حق ❤️".