لما تسكت وهي بتتهان…
ولما ترضي أهلك على حساب كرامتها…
ولما ترمي الغلط كله عليها عشان تريح دماغك…
اعرف إنك مش راجل… ولا حتى نص راجل!

الراجل اللي بيتفرّج على مراته وهي بتتأذي
ويسكت عشان “مايخسرش حد”
هو خسر نفسه قبل أي حد.

متقولش لمراتك “إنتي ضهري وسندي”
وانت أول واحد خذلها لما احتاجتك.

الست مش لازم تتضرب ولا تتشتم عشان تتأذي،
كفاية تحس إنها لوحدها…
وإنك بقيت سايبها تواجه الناس والوجع لوحدها.

الست اللي بتحب بجد… لما بتحس إنك ماعدتش سند،
ما بتصرخش… بتسكت، وبتبعد،
وبيبرد قلبها… وتموت جواها الحتة اللي كانت ليك.

وعلشان تبقى عارف:
الست مش محتاجة معجزات،
كل اللي محتاجاه تحس إنها في حضن راجل… مش جنب حيط