نصيحة في عمل الملوخية عن تجربة . - وانا بعـمل المـلوخية أفتكـرت نصـيحة أمـى الغـالية كانت، تقولي: "لما تعملي ملوخية، قطعى طماطماية فى الشوربه، ".👍✅ كنت في الأول مستغربة… طماطماية في الملوخية؟! بس لما جربت، فهمت. ان الطماطم مش بس بتدي طعم حلو أوي ، لأ، دي كمان بتمنع الملوخية تسوّد أو يتغير لونها… وبتفضل خضراء حاجة كده سحرية! وبعد كده عرفت ان فيتامين سى اللى فى الطماطم بيمنع تأكسد الحديد علشان كده بيفضل لونها أخضر👌 مش عارفه كانوا بيعرفوا المعلومات دى ازاى حاجات كانوا بيعرفوها بالفطرة وكمان سر تاني علمتهولي أمي برضو: قرن فلفل حامي! تخرطيه مع الملوخية وفصين ثوم ريحة الملوخية بتروح فى حتة تانيه ونص معلقة سكر كمان بتزودها حلاوة وفى الأخر طشة الثوم والكزبره الناشفة وأهم حاجة الملوخية تغلى غلوة واحدة وتشيليها من على النااااار وتحطيها على عين تكون باردة ووربى غطاء الحلة علشان الملوخية مش تسقط والشوربة تطلع على الوش 🤗 كل ام علمت بناتها أسرارها فى الطبخ👍👍 يا ترى اتعلمتوا ايه من أمهاتكم خلينا كلنا نستفيد 🥰🥰ياريت كل واحده تكتب لنا معلومه ع الماشي شكرا للخمسة ستة اللي بيشجعوني 💐💐💐 صلوا على الحبيب المصطفى 🕌🕋 اللهم صل على سيدنا محمد وعلى آله وصحبه أجمعين 🕋🕌