العيش الشامى فى الطاسه 🫓🫓 ____________________ المقادير ______ نص كيلو دقيق ٢ معلقة كبيرة لبن بودره ربع معلقة صغيرة ملح معلقة صغيرة سكر معلقة صغيرة خل معلقة كبيرة خميرة فورية ماء دافى للعجن ٢ معلقة كبيرة زيت ٢معلقه زبادى الطريقه ______ دوبى الخميره والسكر فى نص كوب ماء دافى واخلطى الدقيق مع الملح والخل واللبن البودر وقلبى كويس وضيفى عليهم خليط الخميره والسكر وقلبى وانزلى بالماء الدافى بالتدريج واعجنى لحد ما العجينه تلم معاكى وتبقي بتلزق شويه انزلى بالزيت ولمى العجينه وغطيها واتركيها تخمر لحد ما يتضاعف حجمها وفى صنية رشة دقيق وكوريها بالمقاس المناسب ليكى وغطيها وابدأى من اول كوره عملتيها ومع رشة دقيق خفيفه وبالنشابه افرديه بسمك حوالى ٢ ملى ورصيه على فوطه أو قطعة قماس وغطيه علشان ميعملش قشره وفى طاسه على نار متوسطه انزلى بأول رغيف فردتيه وسويه على الجانبين ملحوظه ______ ١_اتأكدى ان الخميره تضاعف حجمها قبل إضافتها غير كده تبقى غير نشطه بلاش تستخدميها ٢_ممكن استبدال اللبن البودرة بنص كوب حليب أو علبة زبادى صغيره ٣_ التخمير مهم علشان الرغيف يقب معاكى ٤_ التسويه فى الطاسه من غير دهان ٥_ ممكن تسويته فى الفرن لو شغال فوق وتحت مع بعض ٦_ السمك بعد الفرد لا يتعدى ٣ ملى ٧_ ممكن تخزينه فى الفريزر تحفه فى السندوتشات بديل للعيش الفينو