الكفتة المشوية في الفرن ♥️ المقادير: • 1 كيلو لحمة مفرومة ناعمة مع الدهن • 2 حبة بصل مبشورة ناعم ومصفاة من الماء (مع الاحتفاظ بماء البصل) • 1 ملعقة كبيرة سبع بهارات • 1 ملعقة صغيرة ملح • 1 ملعقة صغيرة فلفل أسود • 1 ملعقة صغيرة زنجبيل مطحون • 1 ملعقة صغيرة قرفة • نصف ملعقة صغيرة بيكنج صودا (أو 1 ملعقة صغيرة بيكنج باودر) طريقة التحضير: 1. في وعاء عميق، اخلطي اللحمة مع البصل المبشور والتوابل كلها. 2. أضيفي البيكنج صودا وقلّبي الخليط كويس جدًا لحد ما يمتزج تمامًا. 3. غطي الخليط وسيبيه يرتاح في التلاجة لمدة 30 دقيقة عشان النكهات تتداخل. 4. بلّلي إيدك بماء البصل اللي صفّيناه، وابدئي في تشكيل الكفتة على شكل أصابع أو أقراص، وده هيديها ريحة وطعم حلو جدًا. 5. رصيها في صينية فرن مدهونة بقليل من الزيت. 6. سخني الفرن على 200 درجة، وادخلي الكفتة لمدة 25 - 30 دقيقة مع التقليب في منتصف الوقت عشان تتحمر من كل الجوانب. 7. قدميها سخنة مع عيش بلدي وسلطة طحينة. بالهنا والشفا ♥️

دجاج مشوي متبل 💛 المقادير: • 1 دجاجة مقطعة أو صدور دجاج كاملة • 2 ملعقة كبيرة زيت زيتون • 1 ملعقة كبيرة زبدة مذابة • 1 ملعقة كبيرة عصير ليمون • 2 فص ثوم مفروم • 1 ملعقة صغيرة بابريكا مدخنة • 1 ملعقة صغيرة عسل أبيض (لإضافة اللمعة) • 1 ملعقة صغيرة كزبرة ناشفة • 1/2 ملعقة صغيرة شطة (اختياري) • 1/2 ملعقة صغيرة كمون • 1/2 ملعقة صغيرة فلفل أسود • 1/2 ملعقة صغيرة ملح الطريقة: 1. في وعاء، اخلطي زيت الزيتون مع الزبدة المذابة، عصير الليمون، العسل، الثوم، والبهارات كويس جدًا. 2. تبّلي الدجاج بالخليط، وسيبيه في التلاجة لمدة 1 ساعة عشان يتشرب النكهات. 3. سخني طاسة على نار متوسطة وضيفي الدجاج، وقلّبيه لحد ما ياخد لون دهبي غامق. 4. غطي الطاسة وسيبيه على نار هادية يكمل تسويته، مع تقليبه كل شوية. 5. في آخر 5 دقائق، ادهني الدجاج بطبقة خفيفة من العسل والزبدة المتبقية، وسيبيه يتحمص عشان ياخد اللمعة القوية والطعم الغني. 6. لو عاوزة لون مشوي أقوى، حطيه تحت الشواية 5 دقائق، وراقبيه عشان ميغمقش زيادة. 7. قدميه سخن مع عيش بلدي وسلطة طحينة واستمتعي بأحلى طعم. بالهنا والشفا ♥️

مكرونة بشاميل بالجبنة 💛 المقادير: • 400 جم مكرونة قلم • 2 معلقة كبيرة زبدة • 2 معلقة كبيرة دقيق • 2 كوب حليب • 1 كوب كريمة طهي • نصف معلقة صغيرة ملح • نصف معلقة صغيرة فلفل أسود • 1 كوب جبنة شيدر مبشورة • 1 كوب جبنة موزاريلا مبشورة الطريقة: 1. اسلقي المكرونة في مياه مغلية وملح لحد ما تبقى نصف سوا، وصفيها. 2. في حلة، سيحي الزبدة وضيفي الدقيق وقلبي لحد ما لونه يبقى دهبي فاتح. 3. صبي الحليب وكريمة الطهي بالتدريج مع التقليب المستمر لحد ما الخليط يتقل. 4. ضيفي الملح، الفلفل الأسود، وقلبي كويس. 5. حطي نص كمية الجبنة الشيدر والموزاريلا في الصوص وقلبي لحد ما تدوب. 6. ضيفي المكرونة للصوص وقلبيها كويس. 7. صبي الخليط في صينية مدهونة زبدة، ووزعي باقي الجبنة الشيدر والموزاريلا على الوش. 8. دخليها فرن سخن على 200 درجة لمدة 15 دقيقة أو لحد ما الجبنة تسيح وتحمر. 9. طلعيها وسيبيها تهدى شوية قبل التقديم. بالهنا والشفا ♥️

بان كيك هش ولذيذ 🥞 المقادير: • 1 ½ كوب دقيق متعدد الاستخدامات • 2 ملعقة صغيرة سكر • 2 ملعقة صغيرة بيكنج بودر • 1/4 ملعقة صغيرة بيكنج صودا • 1/4 ملعقة صغيرة ملح • 1 ملعقة صغيرة فانيليا • 1 كوب حليب دافئ • 2 بيضة كبيرة • 1/4 كوب زبدة مذابة الطريقة: 1. في طبق كبير، ننخل الدقيق مع البيكنج بودر والبيكنج صودا والسكر والملح والفانيليا. 2. نضرب البيض كويس لحد ما ينفش، وبعدها نضيف الحليب والزبدة المذابة ونخفقهم مع بعض. 3. نضيف خليط الدقيق على المكونات السائلة ونقلبهم لحد ما العجينة تبقى متماسكة بس مش سائلة أوي. 4. نسخن طاسة تيفال على نار متوسطة، وندهنها بنقطتين زيت أو زبدة. 5. نأخذ مقدار صغير من العجينة بمغرفة وننزله في نص الطاسة. 6. نوطي النار خالص، وأول ما ياخد لون دهبي نقلبه على الناحية التانية لحد ما يحمر. 7. نمسح الطاسة بفوطة نظيفة وندهنها بنقطتين زيت أو زبدة بين كل واحدة والتانية. 8. نقدمه مع النوتيلا أو العسل والفواكه حسب الرغبة. بالهنا والشفا ♥️

دبابيس الفراخ المقرمشة 🧡 المقادير: • كيلو دبابيس فراخ • 2 كوب زبادي • ملعقة كبيرة ثوم مفروم • 2 ملعقة كبيرة خل • ملعقة صغيرة عصير ليمون • 2 كوب دقيق • 2 ملعقة كبيرة نشا • ملح وفلفل أسود • بهارات فراخ • زعتر ناشف • بابريكا • ثوم بودر • بصل بودر • 2 بيضة • كورن فليكس مطحون • زيت غزير للقلي الطريقة: نخلط الزبادي مع الثوم والخل والليمون والبهارات وننقع فيها دبابيس الفراخ لمدة ساعتين. نخلط الدقيق مع النشا والزعتر والبابريكا والثوم البودر والبصل البودر والملح والفلفل. ننشل الدبابيس من التتبيلة ونغطيها بخليط الدقيق، ثم البيض، ثم الكورن فليكس. ندخلها الثلاجة لمدة نصف ساعة. نسخن زيت غزير على 180 درجة مئوية، ثم نقلي الدبابيس على نار متوسطة حتى تأخذ لون ذهبي مقرمش. نطلعها على شبكة لتحتفظ بالقرمشة واللمعة. بالهنا والشفا ♥️

شاورما الفراخ السوري 💛 المقادير: • 500 جم صدور فراخ مقطعة شرائح رفيعة • 3 ملاعق كبيرة زبادي • 2 ملعقة كبيرة عصير ليمون • 2 ملعقة كبيرة زيت زيتون • 1 ملعقة صغيرة بابريكا • 1 ملعقة صغيرة ثوم بودرة • 1 ملعقة صغيرة بصل بودرة • 1/2 ملعقة صغيرة كمون • 1/2 ملعقة صغيرة فلفل أسود • 1/2 ملعقة صغيرة ملح • 1/4 ملعقة صغيرة شطة (اختياري) • عيش سوري أو شامي • بقدونس مفروم • مخلل خيار مقطع شرائح • بطاطس مقلية للتقديم • ثومية للتقديم الطريقة: 1. في وعاء، اخلطي الزبادي مع عصير الليمون، زيت الزيتون، والتوابل كلها، وضيفي الفراخ، وقلّبيها كويس جدًا، وسيبيها تتبل لمدة 2 ساعة على الأقل في التلاجة. 2. سخني طاسة على نار عالية وضيفي الفراخ المتبلة، وقلّبيها لحد ما تستوي وتاخد لون ذهبي. 3. افردي العيش، وحطي طبقة من الثومية، ثم شاورما الفراخ، ورشي شوية بقدونس ومخلل. 4. لفّي العيش كويس على شكل رول، وسخني طاسة جريل على نار متوسطة، وحمّصي الرول من كل الجوانب لحد ما ياخد لون دهبي مقرمش. 5. قطّعي الرول، وقدميه مع بطاطس مقلية وثومية. بالهنا والشفا ♥️

كرات البطاطس المقرمشة 💛 المقادير: • 2 حبة بطاطس مسلوقة ومهروسة • 1/2 كوب نشا • 1/2 ملعقة صغيرة ملح • 1/2 ملعقة صغيرة فلفل أسود • زيت للقلي الطريقة: 1. في وعاء، اخلطي البطاطس المهروسة مع النشا، الملح، والفلفل الأسود لحد ما تتجانس العجينة. 2. شكّلي العجينة على شكل كرات صغيرة متساوية الحجم. 3. سخني الزيت في طاسة عميقة، واقلي الكرات على نار متوسطة لحد ما تاخد لون ذهبي ومقرمش. 4. صفيها على ورق مطبخ، وقدميها مع الكاتشب أو أي صوص مفضل. بالهنا والشفا ♥️

مكرونة باللحمة المفرومة 🧡 المقادير: • 500 جم مكرونة مقصوصة • 300 جم لحم مفروم • 1 بصلة مفرومة • 2 كوب عصير طماطم • 2 ملعقة كبيرة معجون طماطم • 2 ملعقة كبيرة زيت • ملح وفلفل أسود • 1 ملعقة صغيرة بابريكا • 1 ملعقة صغيرة ثوم بودرة • 1 ملعقة صغيرة بصل بودرة الطريقة: نسلق المكرونة في ماء مغلي وملح لحد ما تبقى نصف سوى، ثم نصفيها. في طاسة، نشوح البصلة في الزيت لحد ما تذبل، ونضيف اللحم المفروم ونقلب لحد ما يستوي. نضيف معجون الطماطم ونقلب، ثم عصير الطماطم والتوابل، ونسيب الصوص يتسبك. نضيف المكرونة المسلوقة للصوص ونقلبها كويس على نار هادية لمدة 5 دقائق. بالهنا والشفا ♥️

ساندوتش الباتي ميلت 😍🔥 المقادير: • 250 جرام لحم مفروم • 1 بصلة متوسطة مفرومة ناعم • 1 ملعقة صغيرة ملح • 1/2 ملعقة صغيرة فلفل أسود • 1/2 ملعقة صغيرة بابريكا • 1/2 ملعقة صغيرة بودرة ثوم • 1/2 ملعقة صغيرة بودرة بصل • 2 ملعقة كبيرة زبدة • 1 ملعقة كبيرة مايونيز • 4 شرائح جبنة شيدر • 2 شرائح جبنة موزاريلا • 4 شرائح عيش توست بريوش أو أي نوع مفضل طريقة التحضير: في طاسة سخنة، شوّحي البصل مع معلقة زبدة لحد ما يكرمل وياخد لون دهبي. ضيفي عليه اللحم المفروم، الملح، الفلفل، البابريكا، بودرة الثوم، وبودرة البصل وقلبي كويس لحد ما يستوي ويتحمر. ادهني شرائح العيش بالمايونيز من الجهتين، وحطي على كل شريحة طبقة من الجبنة، ثم اللحم المتبل، وبعدها طبقة جبنة تانية. غطيها بشريحة العيش التانية واضغطي عليها شوية. في طاسة سخنة، ضيفي شوية زبدة وحمّصي الساندوتش من الناحيتين لحد ما الجبنة تسيح والعيش يبقى مقرمش ولونه ذهبي. قدميه سخن واستمتعي بأحلى ساندوتش باتي ميلت طعمه يجنن! 😋🔥

الكوردن بلو 🧡 المكونات: • صدور فراخ • 1 علبة زبادي • 1 معلقة صغيرة بهارات فراخ • 1 معلقة صغيرة زعتر ناشف • 1 معلقة صغيرة ثوم مفروم • ملح وفلفل حسب الرغبة • 1 معلقة كبيرة خل • عصير 1 ليمونة للحشو: • روزبيف أو تركي مدخن • شرائح جبنة شيدر أو جودا للتغليف: • دقيق • بيض • بقسماط طريقة التحضير: 1. دقي صدور الفراخ كويس لحد ما تبقى رفيعة أو خديها جاهزة من عند الفراخ. 2. في بولة، اخلطي الزبادي مع بهارات الفراخ، الزعتر، الثوم المفروم، الملح، الفلفل، الخل، وعصير الليمون، وحطي الفراخ فيها وسيبيها ساعتين في التلاجة. 3. طلعي الفراخ من التتبيلة، ونشفيها شوية من أي سوائل زيادة. 4. افردي كل قطعة فراخ، وحطي عليها شريحة جبنة، وفوقها الروزبيف أو التركي، ولفيها كويس واثبتيها بخلة أسنان. 5. غلفيها بالدقيق، بعدين في البيض، وأخيرًا في البقسماط، واضغطي عليها كويس. 6. دخليها التلاجة ساعة عشان تمسك نفسها. 7. اقليها في زيت غزير سخن لحد ما تاخد لون دهبي، وبعدها حطيها على مناديل مطبخ تتصفي. بالهنا والشفا ♥️